| Gedichte zur Geschichte 1900 - 1991 |
wo s'geschtrig schnäll vergässe wird. Drum packet mir die Glägeheit, zum'e Reisli id Vergangeheit. Für die wo i der Gschicht hät gschwänzt, wird d'Hirnsubstanz nid starch ergänzt. Dänn viel wo ich da gschribe ha, wird chum je imene Gschichtsbuech stah: De Fortschritt wird hüt konsumiert, als hät är immer existiert. Derby isch viel wo eus hüt gfallt, präzis ersch es paar Jährli alt.
bestaht us Schotter Chies und Sand. Mängmal häts au Bsetzistei, doch Asphaltstrasse gits no kei. Näbscht Fuehrwärch, Kutsche und de Ross, wird s'Auto uf der Strass jetz gross. Eis z'ha isch no es Privileg, der Moscht gits i der Apiteg. Em Renault, Maibach, Daimler-Bänz, erwachst us Arbon Konkuränz. Det baut der Saurer Dölf bereits, die erschte Autos `Made in Schweiz'.
en Job als Wisseschaftler a. Erst später wird den Bernern klar, dass dies d e r Albert Einstein war.
als wärs e Sälbschtverständlichkeit. Der erste Flug von Orville Wright, geht sechsunddreissig Meter weit.
der Simplon-Durchstich gschafft für'd Bahn und en gewisse Brandeberger, erfindt de Werkstoff Cellophan.
es Hobby vo e paarne Spinner. Sie händ viel Muet und bruchet s'Glück, dänn Happy-Landings gits nüd immer. Was kein Mensch für möglich hält, bringt eim Publizität und Gäld. Nämlich em Louis Pleriot, der von Paris nach England flog.
gänd wieder einmal mächtig a. D'Wält söll mit Pauke und Trompete, zum x-te Mal zum Tüfel ga. Schiss macht sich breit bi vielne Lüt, es chunnt zur Masse-Hysterie. Derby isch's äs - mir schmunzlet hüt, nur en Komet - der `Halley' gsi.
am Lötschberg wird sit Jahre bohrt. D'Bilanz vo däm Jahr chan sich gseh lah, der Durchstich nämlich, isch erfolgt.
beschlüsst d'Regierig in der Not. Aus Strassen-Ueberlastungsgründen, ein Sunntigs-Autofahr-Verbot.
im Februar staht s'letschti Loch. vo jetz a fahred d'Zahnrad-Bähnli, durchgehend bis zum Jungfrau Joch.
der erschti fahrplanmässig Zug und Oskar Bider schafft der Erschti, Bärn - Simplon - Mailand - Alpeflug.
will Chrieg und blast zum Völkermord. druf abe schlat die halbi Mänschheit, sich vier Jahr gägesytig z'tot.
haltet ihri Ware feil. Me seit, der Dutti seig en Spinner und Zuekunft heb die Migros kei
vo allne Heftli wo äs git. Em Charly Lindberg isch per Flugzüg, D' Atlantik-Ueberquerig glückt.
als wichtigschti Traktande: D'Swissair und Radio SRG, sind nämlich da entstande. Am Piccard glingt im Gasballon, der erschti Flug id Stratosphäre und d'Jungfrau Wätterstation, fiert fäschtlich ihri Premiere,
global macht d'Wirtschaft gründlich schlapp. Im Schwobeland laufts ganz verschisse, dert übernimmt der Hitler d'Macht.
nimmt - wo vorhande - gwaltig ab. Trotzdem gaht z'Züri unverdrosse, die erschti`Tour de Suisse' an Start.
en Zeppelin am Himmel gseh. Dä Kurs verbindet fahrplanmässig, de Kontinänt mit Uebersee. Die Luftschiff-Aera find es Aend, wo ds England d'`Hindenburg' verbrännt. Sie hät de Landemascht touchiert und isch anschliessend explodiert.
und grift im Herbscht dänn Pole a. Das isch gemein und niederträchtig, so fangt der zweiti Wältchrieg a.
und d'Auto fahred nid mit Wasser. Drumm löst mer halt de Triebstoff ab, mit integrierte Holzvergaser. Das füehrt dezue, dass wänn wotsch fahre, z'erscht Füür muesch mache a dim Chare. Und sött er nümme sich bewege, häsch glatt vergässe nache z'lege.
s'erscht Peschtalozzi-Chinderdorf. Und z'Uri hinde - z'Wasse obe, eröffnets das Jahr d'Suschtestross.
drus hätts am Schluss en Flugplatz gäh, jetz tuet die ganzi Swissair zügle, uf Dübedorf chunnt s'Militär. Er hät bis do der Mänschheit gfählt, Er choscht viel meh als ein Föiflieber. Er macht en Siegeszug um d'Wält, der allererschti Chugelschrieber.
als Lärm-Erzüg- und Gäldzerstüber. So chauft mer hunderfüfzg VENOM, und zahlt pro Stück ei Million.
statt bade seigi flüge gletter. Inzwüsche isch im ganze Land, d'Rettigs-Flugwacht wohlbekannt.
s'Färnseh fangt mit sände a. Die Heimkinos sind jedoch tüür, föif Monatslöhn zahlsch glatt derfür.
i die paar Flimmer-Röhre: Das erschti Fuessball-Länderspiel, hät sini Fernseh-Premiere.
als Piepston z'ghöre im Empfänger. De Sputnik sändet das Signal, als erschte Satellit im All.
wird jetz de erschti `Blick' verchauft. Und me vernimmt, mit liechtem Schock, en grosse Clown isch tot, der Grock.
glangt är jetz voll i'd Gross-Serie. De Transitor hät Igang gfunde, id Underhaltigs-Industrie.
muesch Zahle jetz vor d'Ortschaft schmiere. Für jedes Näscht hät Vater Staat, e eigni Poscht-Leitzahl parat.
si ghörid zur Vergangeheit. Die kolbetriebne Flugmotore, wärdid jetz in Güsel gheit. Adieu, du Flugzüg mit Propäller, dis Teschtamänt isch jetze gmacht. Ab sofort flügt me dütlich schneller, mit Caravelle und DC8. Vorbei die Zeit, wo fast ein jeder, flog mit der Tüte in der Hand, in der - bei turbulentem Wetter - die letzte Malzeit sich befand.
me fragt, ob sich dä Ufwand lohnt. Am Fernsehschirm chasch jetz erfahre, der erschti Mänsch staht uf em Mond.
wird vor d'Justiz zitiert, är heb - so heisst's uf jede Fall - für die vo Moskau spioniert. Wänn en Soldat en Seich hät gmacht, dänn chunnt är schnell i'd Chischte. Was für den Binggel gilt - gilt auch - für Jeanmaire-Brigadischte. In `Seveso' macht jetz abrupt, d'Hoffmann la Roche der Ruef kaput. Nachdäm's mit Dioxin in Masse, händ welle Land und Lüüt vergase.
vom Big-Verkehrsmoloch. Der Stau isch jetze z'Göschene, churz vor em Gotthard-Loch.
ergänz doch din Verwaltigsrat, (das isch im Wallis gang und gäbe) ganz eifach dur en Bundesrat. Dä mänätscht dänn mit Bundesmittel, dis Gschäftli wieder voll is Hoch. Für's Gschichtsbuech gits es neus Kapitel, mit Roger Bonvin's Furkaloch. Nun, wo die Bauerei isch z'Aend, sind grad zwei Löcher existänt: eis vo Realp nach Oberwald und s' ander im Finanz-Huushalt.
i öisere Schwiz undänkbar gsi. Jetz zieht der Bund en Teil vo Stüre, per Autobahn-Vignette i. Sit mer i der Schwiz regiert, heisst's: `Bundesrat ist Männer-Job'. Dä Spruch wird jetze revidiert: neu Bundesrat wird s'Lisi Kopp.
is glichi Horn stosst d'Industrie: Atomchraftwärk sind völlig sicher und Unfäll gits wahrschinlich nie. Tschernobil hät plötzlich zeigt, dass d'Praxis andri Massstäb leit. Jetz weiss au s'hinderletschti Chind, wie wahr Experte-Värsli sind. Es brännt bir Sandoz lichterloh, es chunnt zur Umwält-Katastrophe. Der Rhi krepiert und d'Fisch sind tot, Doch d'Schuldfrag blibt natürlich offe. S'Volk hät wäg ihm in früene Jahre, Schiss- und der Stink in Hose gha, jetz isch nach sächsesibezg Jahre, der Komet Halley wieder da. Dasmal isch'd Wisseschaft uf Draht, und hät en Satelit parat. Dä funkt vom Wältrum obe abe, am `Halley' sini Steckbrief-Date. Jetz wüssed mir, was öisne Ahne, der Schreck hät la i'd Chnoche fahre. Die Sonde sändet der Bewies: es isch en grosse Mocke Is.
und Bundesrat in Bern beliebt und z'Züri hockt der Kopp und mischlet bi trüebe Gschäftli munter mit. Und plötzlich weiss der Alt am Aend, z'viel vom Justizdepartemänt. En riese Wirbel fägt drum bald, d'Frau Kopp us ihrem hohe Amt.
in ziemlich allne Oschtblock-Staate. Jetz lehnt d'Bevölkerig sich uf, gäg Planwirtschaft und Bürokrate. In Moskau hät de Gorbatschov, Mit Perestrojka und Glasnost De Kommunismus - wie gehabt -, id Schiessgass gschickt und zwar durab. Jahrzehntelang händ Bundes-Büffel, die halbi Schwiz uf Fiche gfüehrt. D'Verwaltig überchunnt en Rüffel, und s'Volk isch muff und schwär schockiert. Vierzg Jahr lang händ i eusem Norde, zweit dütschi Staate existiert. Jetz isch en Friede Tatsach worde wo die zwei Völker zämefüehrt.
und us em Bundeshuus isch gfloge gahts mit em Rächtsstaat bös bärgab, Ein Skandal löst der ander ab. Dä vo de Fiche hämmer gseit, dänn händ d'Nachrichtedienscht verseit, und nöischtens chunnt - man glaubt es nicht, e Gheim-Armee as Tagesliecht. Will s'Parlamänt vom ganze Mischt, so viel wie Null und nüt hät gwüsst, hät s EMD - wills au hät gloge, meh als ein Schue voll usezoge. En chline Satan macht sich stark, ich red vom Hitler vo Irak. zerscht hät er i sim Grössewahn acht Jahr lang Chrieg g'füehrt mit Iran. Die nächschti Gmeinheit vo däm Strolch richtet sich gäg's eiged Volch Mit Giftgas macht är us der Luft en Teil vom Kurdestamm kaputt. Naiv und uf de Chlotz erpicht, hät die halb Wält däm Bösewicht, (damit dihäime d' Wirtschaft lauft), High Tech und Waffe blind verchauft. Im Augschte hät de Sadam gseit: 'Jetz wird no schnäll Kuwait befreit'! Was är da drunder hät verstande, isch churz druf i der Zytig gstande !!
hät gmerkt was sie für Seich hät gmacht. Druf hät e NATO-Gwaltsarmee em Sadam ud de Ranze gäh. Jürg Käser |